ភ្នំពេញ៖ តារាចម្រៀងរ៉េបជួរមុខ ម៉ាន់ វណ្ណដា (Vannda) ព្រមទាំងមិត្តស្រី និងគ្រួសារបានបង្ហាញវត្តមានគួរឱ្យភ្ញាក់ផ្អើលនៅអង្គការផ្ទះបាយកុមារ និងបានចូលរួមចែករំលែកក្ដីស្រលាញ់ដល់ក្មេងៗក្នុងថ្ងៃកំណើតរបស់ខ្លួនផងដែរ។ 

សកម្មភាពខាងលើដែលបានបង្ហោះនៅលើទំព័រហ្វេសប៊ុក Les Restaurants Des Enfants បានបង្ហាញថា មិនត្រឹមតែមានវត្តមានបង្កភាពភ្ញាក់ផ្អើលប្រកបដោយស្នាមញញឹមសម្រាប់កុមារប៉ុណ្ណោះទេ ប៉ុន្តែវណ្ណដានិងក្រុមគ្រួសារក៏បានរៀបចំជាអាហារមួយពេលយ៉ាងឈ្ងុយឆ្ងាញ់ជូនទៅប្អូនៗដែលកំពុងស្នាក់នៅក្នុងអង្គការនេះផងដែរ។ សកម្មភាពនេះ បានទទួលការគាំទ្រយ៉ាងខ្លាំងពីសំណាក់អ្នកគាំទ្ររបស់ខ្លួន ដោយបានកោតសរសើរតារាប្រុសរូបនេះដែលបានឆ្លឪតពេលវេលាផ្ទាល់ខ្លួនក្រៅពីការងារសិល្បៈ មកចូលរួមផ្តល់ភាពកក់ក្ដៅដល់ក្មេងៗដែលជាគំរូល្អមួយពីការយកចិត្តទុកដាក់លើកុមារ។ 

គួរឱ្យដឹងថា វណ្ណដា គឺជាសិល្បករជួរមុខមួយរូប ដែលនៅថ្ងៃទី២២ ខែមករានេះគឺថ្ងៃកំណើតឈានចូលវ័យ ២៧ឆ្នាំរបស់គេហើយ៕